XX. mendeko Euskararen Corpus estatistikoa
Testuingurua
Zeure betiko zoriona maite ba-dozu, aragiaren ziltzaldi orrei sendoro aurrka egiezu: au ta guzti be, iñoz obenean jausiko ba'ziña, bizkorr jagi zaite ta garramura dongeari sua-arrtzen ez egiozu itxi, eta zeure makalkeri ta erruz, garramura orrek, noz edo bein sua-arrtu ba-dagi, gitxienez be, oitura txarra eragotzi ta galerazteko, alegin egizu.
Oitura txarra, geizo zarra lez izaten da; augaitik, askozaz be nekezago osatu geinke.
Beste edozein gatxeri lez, oneri be lenengotxuan osakaya imiñi bearr dautsagu, gatxak aldi luzeagaz inddar arrtu dagianean, osakai billa asteko beranduegi izaten da-ta.
Aingeruak lez gogo utsak ba'giña, aragiaren garramurarik be ez geunke eukiko , ta erreztasunik andienagaz garbi-garbiak izango giñake; baña gogo ta aragiaren batza gara; geure gogo au aragiz jantzi da, ta onen garramura lizunak, bein baño sarriago gogoa bera be zikinkerira bultzau eta narraztuten dau.
Aragiaren aldetik abereak baño asko geyago ez gara: geure adimendun gogo zoli au da abereakandik banandu ta zeruko aingeruen antzeko egiten gaituana.
Augaitik gizon aragikorra, aberien mallara jasten da:.